ما زادها ملح عندي غير صدتها
وان قدمت عذرها نسيت انا الصدة
مديت يمناي ولهانه.. ومدتها
وقبلت لاعذارها لو طالت المدة
وجزيت صداتها في مسح دمعتها
واخلصت في بعدها لوسلني بعده
امور في قدرتي .. وأمور حدتها
اضروفها واضحه والحزن من قده
رقيقة دمعها يسقي مخدتها
تقفيبها احزانها وتعانق الوحدة
وان هزها الوجد شكواها لـ وردتها
انا فدى وردة تشكي على وردة
هي الغلا.. ماني مكثر ملامتها
فالقلب ما يجتمع لومه مع ودّه