أمشي غريب وداخلي الف دوله
واطالع الدنيا بنظرات مذهول ؟
شفت أبسط أحلامي تموت بسهوله
والصمت عن خوف الحكي كان مسؤول
كانت حكايه لشاعرن صفّقوله
ومن بيدر أحلامه نسج حلم مخذول
يكذب على الواقع ويرضي فضوله
تاريخنا باقي مثل سيف مسلول؟!
الوقت ما حشّم عيال الحموله
مقتول بالواقع وبالحلم مقتول
شيٍ أقوله وشي ما اقدر اقوله
ويمكن يكون الصمت باقي على طول
هي وردة احساسه وأربع فصوله
وهي خامس الوجهات لا كنت مشغول
يا رحلتي تكفين غنّي هطوله
ولا تنزل دموعك على شخص معزول
ردّت وقالت كل شيٍّ تطوله
لا تنكسر في وجه الأيام واتقول
خلك غريب وداخلك حس دوله
ما توقف الدنيا على احساس مجهول!