البارحة غنيت يا حادي العيس
واليوم صمتك عن عيوني حداني
اليوم تلعب بي رياح الهواجيس
ولادري عشانك ضيقتي أو عشانـي
ما بين لوعات الجفا والوساويس
البرد ساكن فارتعاش المحاني
وانا حبيس الصمت سجن الاحاسيس
ضاق الزمان ولا وسعني مكاني
والنور طعمه في عيون المحابيس
مرٍ مثل طعم الكلام بلساني
متى بشعري يزهرنّ الكراريس
ومتى بقلبي يمطرنّ الأغاني
ليت الشعر ماهو كلام بقراطيس
ليت القصايد بالدفاتر مباني
والله ل/ يفرق شعر من يرجي الكيس
عن شعر من ينحت صخور المعاني
ويبان فرقي باختلاف المقاييس
حتى تحس بصدق وش كثر اعانـي
والا الأماني راس مال المفاليس
عزي لمن كانت جداه الأماني!