والتم شمل الشتا وتشتّت الملتم
من كومة الخوف من كثبان اوهامي
هبت رياح اليقين العاتيه ياعم
واهتز جذع السكوت وطاح قدّامي
إيش اللي باقي وهذا الطين يغرق دم
والأدعيه في سكون الليل هندامي
إيش اللي باقي وهذا العمر منفى ضم
ثوّار ماتوا قهر بسياط إرغامي
ماهو بغلط لو انا قلت الخريطه كم
فيها مساحه لميت جوع ياقلامي
بس الغلط لو رضيت بغفلتي أعتّم
واحلم متى نظرتي تبعد عن اقدامي
اعوام وآنا اتوضأ بالتعب وأتّم
بالصبر والفقر في تكبيرة احرامي
اعوام واذن الرضا تسمع بصوتي سم
واشعل رقادي تمرّد وانسى إضرامي
والقى في عين اليتامى كل عيد الهم
يشحذ معاي الفرح ويحاول اطعامي
والقى الشوارع منازل ماتخاف الهدم
والقى المحاجر خناجر تنحر احلامي
مليت من صمت ينخر صوت هذا العظم
مليت من برد يستوطن دفا ايامي
رايح ادوّر سفن مادام عندي يم
احمل عليها زمن مورق بألامي
ماهمني لو يقول الناس تايه تم
او حكمهم مايوافق شرع أحكامي
هذا طريقي وانا في آخره بالّتم
وباخره رايح ارفع راية اقلامي